ដោយ : បន្ទាយ
បន្ទាយមានជ័យ : នារសៀលថ្ងៃទី០៩ខែវិច្ឆិការឆ្នាំ២០២៤ លោកអ៊ុ រាត្រី អភិបាលខេត្តបន្ទាយមានជ័យបានអញ្ជើញក្នុងពិធីសែនក្រុងពលីប្រោះព្រំលើករាសីនិងផ្ដល់អំណោយឧបត្ថម្ភជាគ្រឿងបរិភោគនិងថវិការដល់ចំណុះទូក ងឈ្មោះ”សុវណ្ណរាជសីហ៍បារមីបន្ទាយមហានគរ” ដែលជាទូកជ័យលាភី ក្នុងការប្រណាំទូក ង នៅក្នុងខេត្តបន្ទាយមានជ័យកាលពីថ្ងៃទី២៧ខែតុលាឆ្នាំ២០២៤ កន្លងមក។

លោក ឈឿង ក្រៃយុង អភិបាលរងខេត្ត លោកអភិបាលរងស្រុក កងកម្លាំងទាំង៣ ប្រភេទ អាជ្ញាធរ ដមត្ថកិច្ចនិងពលរដ្ឋអ្នកគាំទ្រ មានវត្តមានសាទរក្នុងពិធីនេះ។

សូមបញ្ជាក់ថា៖ ទូកង «សុវណ្ណរាជសីហ៍បារមីបន្ទាយមហានគរ »ជាទូកជ័យលាភីមានចំណុះ ៧៦នាក់ ហើយត្រូវចេញដំណើរនាថ្ងៃស្អែក ទី១០ខែវិច្ឆិកា ទៅប្រកួតថ្នាក់ជាតិក្នុងព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ(ថ្ងៃទី១៤-១៦ខែវិច្ឆិកា) នៅរាជធានីភ្នំពេញ ដើម្បីទទូលយកកិត្តិយសនិងជ័យលាភីជូនខេត្តវិញ ។

សូមរំលឹកថា ការប្រណាំងទូក-ងឆ្នាំ២០២៤ ចំនួន២ថ្ងៃ (២៦-២៧ខែតុលា) បានធ្វើឡើងលើស្ទឹងទឹកថ្លា នាបរិវេណសាកលវិទ្យាល័យជាតិមានជ័យ ផ្លូវជាតិលេខ៥ -ផ្លូវដែកនៅភូមិបាណយ សង្កាត់ទឹកថ្លា ក្រុងសិរីសោភ័ណមានភ្ញៀវទៅទស្សនា២ថ្ងៃ តួលេខរាយការណ៍ថាមានចំនួនជាង១៣ម៉ឺននាក់ ។

ទូក ងដែលបានចូលរួមប្រណាំងចំនួន២៥ទូក ស្មើនឹង៥០ប្រកួត ។
ក្នុងនោះទូក “ង” ចំណុះ ក្នុងនោះទូកធំវែងមានចំណុះ៧០នាក់ ទូកមធ្យមមានចំណុះ៤៥នាក់ និង២២នាក់ និងទូកតូចមានចំណុះ៥នាក់ ។

ក្រោយពីការប្រកួតមានរយៈពេល២ថ្ងៃបានរកឃើញអ្នកជាប់លេខ ១ ,២និង
៣ ។

ចំណុះទូក៧០នាក់ទទួលបានជ័យលាភីមានចំនួន២ទូក គឺចំណាក់ថ្នាក់លេខ១បានទៅលើទូកឈ្មោះ សុវណ្ណរាជសីហ៍បារមីបន្ទាយមហានគរ ។ចំណាត់ថ្នាក់លេខ២ បានទៅលើឈ្មោះ ពិសីមានជ័យបារមីស្រីស្អាត ៕